نزين بالاغلال اعناقنا
تنكس الرؤس
تمحو العقول
تدك اقدامنا
فى الارض
نعجز عن الحركه
نتستر بالهجاء
ونكتفى بدعاء
دون رد
*****
دعاءنا
يشوبه الخوف
فندعوا بالسلام
خشية الحرب
ندعوا
بضروب الامان
وكم من حرب
كانت
للسلم درب
********
صار الخوف
ضميرا مستترا
تقديره الحكمه
الخوف هو الفاعل
الخوف هو القاتل
بل
هو النقمه
*******
لعنة نصب اعيننا
ننظرها
ببلاده
تطبق علينا الرحى
تكتف ايدبنا
بقلاده
*****
توصم جباهنا
بوصمة
العار
لتخبر اطفالنا
هؤلاء هم
الانصار
(انصار الخزى والعار)
****
تركوا ....
راية الشرف
راية الجهاد
خشية عدو
ينشر فى
الارض الفساد
****
تركوا....
امصارهم
اوطانهم
اعراضهم
تحت رحمة عدو
لا يرحم
خوفا على.
ارواحهم
اموالهم
زيناتهم
وسبيل الله
هو
الاعظم
*******
فيا امة الابطال
كفاكم البحث
عن
بطل
يدق الدفوف
يوحد الصفوف
هذا
بط؛ل
****
انزعوا اللعنه
التى
اصابتكم
انزعواالخوف
ذاك
مصيبتكم
*****
فالبطل يكمن
فى انفسنا
لكنه....
حبيس الخوف
هناك ١٧ تعليقًا:
نزين بالاغلال اعناقنا
تنكس الرؤس
تمحو العقول
تدك اقدامنا
فى الارض
نعجز عن الحركه
نتستر بالهجاء
ونكتفى بدعاء
دون رد
اخترت الكلمات دي عشان تكون بداية ردي
وصراحة كان نفسي اختار كل الشعر واقتبسه..بس ليه كل اليأس والحزن ده؟
صح الاوضاع مش مزبوطة
وكل حاجة بتمشي بالمعكوس
والاحداث حولينا تخلي الواحد يعتزل معترك الحياة ويقعد في وحده للابد
بس دايما كنت بسال نفسي
لما اشوف او اسمع حاجات مماثلة
يا ترى..مفروض اتاثر..والى اي مدى هيكون التاثر؟
هتاثر واحس بلحظة حزن واسف واقول"اه والله مساكين!!"
ولا هتاثر وعيني تذرف الدموع دقائق او ساعات او يمكن ايام
ولا يمكن اتاثر واقرر اعمل حاجة,حاجة من رايي ممكن تعمل تغيير لكن في الواقع..مافيش تغيير
انا مش سعيدة بالدنيا اللي عايشة فيها
دنيا قاسية..البشر ما بقوش بشر
ولا يمكن دي طبيعتهم من البداية؟
من بداية الخليقة واول جريمة ارتكبت في حق البشرية!
هل مفروض نرضى ونسكت ونقول"احنا بشر"
ولا نقوم ونتحرك ونغير اللي بيحصل
وكام عدد اللي عايزين التغير ده من قلبهم
والاهم..كام عدد اللي بيعملوا فعلا على التغير
^ـ^
كالعادة اتكلمت عن التوبيك وباقي النص نفسه من حيث البناء
كل جزء اخترتي له وزن معين مناسب
وعجبني لانه بينهي المقطع بنهاية جميلة
^ـ^
S.S
ايه الجمال ده
رائعة يا رانيا
صرخة جميلة عل الناس تفيق
صرخة مدوية اخرى في وجه خوف الناس
يالله كملي اكتر واكتر
انا مش فاهم ازاي اللي علق قال انها حزينة
دي قوية جدا
s.s
اولا شكرا للتعليق
ومن تعليقك احب اقللك
فعلا احنا محتاجين تغير وتغير كبير جدا مش انتى بس اللى حاسه بالاحباط الكل
بس
تفتكرى الحل اننا نقعد نحط ادينا على خدنا ونستنى فرج ربنا ولا نقول بحسره ان الدنيا قاسيه
ونرضى بنصيبنا ونستلذ الشعور بالظلم
؟
لا التغير مهم حتى لو فى اطار تغير النفس
يعنى لو كل واحد مننا قعد وشاف ايه الغلط اللى فيه
صدقينى المجتمع كله هيبقى احسن
ذى ما بيقولوا
صلاح الجماعه يبدء من صلاح الفرد
فعلا مش لازم كل واحد يقعد مستنى
بطل يصلح الكون
لا مفروض اننا نتغير من جوانا
نقتل الخوف منقلش يعنى جت عليا انا
هو انا اللى هصلح الكون
وليه لا ؟
ابدءى بنفسك وشوفى
شكرا مره تانيه يا ستى على التعليق
******
واحد من الناس او
احمد
شكرا اااااااا
رايك فعلا اسعدنى جدا
وبعدين
مش هتحرم بقى
تعليق على تعليقات خلق الله
بس انا معاك انها مش حزينه
فعلا انا كتبتها وانا حاسه مش بحزن
لا
بسخط وغضب
ونفسى امسك مايك وامشى فى الشارع اصوت واقل للناس اصحو بقى
كفايه
وعلى فكره
نسيت اقللك المره اللى فاتت
فرصه سعيده
فى انتظار تعليقاتك
ار ار
ازيك؟
وارد طبعا تكون دي وجهة نظرك في موضوع الحز والبرنامج بتاع الحزب
بس تسمحيلي اقلك ان احنا اللي بنفذ
يعني لو انتي مقتنعة بالبرنامج يبقى عليكي ان تسعي انو يتنفذ ولازم ده يكون شعور كل واحد داخل الحزب
مش بس كده
بس لازم يقاتل لحد مايعمل كده
يعني لازم نحارب بكل قوتنا اننا ننفذ البرنامج ونمع اي حد انو يوقفنا عن ده
شكرا ليكي واتمنى اكون قدرت اوصلك وجهة نظري
سلامو عليكو
انا اولا يا ست العصبية ماشفتش البوست ده..و افتكرت ان البوست التاني هو اخر حاجة..
ثانيا بقه انا مابتهددش
ثالثا- شوية جد بقه- انت عارفة رايي في القصيدة دي كويس..
بس هاقوله تاني عشان الناس الحلوة اللي بتعلق..
انا قلتلك ان القصيدة دي كانت نقله هايله جدا بالنسبة لكتاباتك وانا بجد اتبسط من الخطوة دي..
الي الامام دائما يا شاعرة المستقبل
يامن
بقى مبتتهددش
طيب ايه رايك بقى انها كبرت فى دماغى ومش هعلق فى مدونتك لحد متكتبلى اعتذار رسمى واعتراف بخط ايدك وانت بكامل قواك العقليه انك بتدهدد
ثانيا ايوه انا عارفه رايك بس برضو لازم تكتب علشان
نفسيتى وبعدين انا مش قللك اكتب حاجه كويسه لا انا عايزه نقد بناء
ثالثا
انا مش عصبيه
رابعا
مفيش رابعا
سلام بعصبيه
^_^
سلام
لو عايزة اعتذار عن اني ماعلقتش علي التدوينة..ماشي
حقك عليا
انما انا برضة مابتهددش
سلااااااام
انا مبرجعش فى كلامى
وكلامى واضح
مش سلام
يا رانيا جميل الاحساس بالوطنيه والرغبه العارمه في التغيير بس دا ميغيرش انه محتاجه وقت طويل مش لسبب في البلد بس السبب في اولاد البد احنا محتاجين دم وفكر جديد غير فكر الاخطبوط الي مسيطر علينا كلنا ودا مش هيجي غير بالتعاون المموميت والمستمر لحد ما نول حريتنا من حاله احتجاز العقول وشل الاطراف الي احنا فيها كتير من الناس مبقاش شاغلهم الا لقمهه العيش والجري ورا الفلوس ولما تيجي تطرحي قضيه او فكر جديد يقوللولك هو احنا يعني الي هنغير الكون يا عم بلا وجع دماغ احنا محتاجين الاول نحس ان كل واحد في مكانه يقدر يعمل حاجه وساعتها هتلاقي التغير جهه من ايمان الفرد بقدرته الكبيره علي التغييير وفي الخر ههد حيلك لاني معرفش ان في حزب وسط جديد طاع يا خاينه طب قولي اعزمي اجي معاكي هما كدا الشعراء لما الناس تعرفهم وتقولهم انهم كويسين ينسو حبايبهم عموما طظ فيكييييييييييييييييييي يا معلم.جيهان
جى جى
صديقة ايام الشباب
اولا مششكره على الزياره
ثانيا ليه تعليقك فى كمية الاحباط ده
معاكى اننا واقعين بين ايادى اخطبوط بيعصرنا وبيوجهنا لطريق واحد طريق الماده
لكن فين عقولنا
التغير هيجى اما بجد نعوزوه مش لازم تظهر اثاره دلوقتى ممكن تظهر على اولادنا او احفدنا ولو مظهرتش يكفين شرف المحاوله
ان الله لايغير ما بقوم حتى يغيروا ما بانفسهم
يا ريت تفكرى فى معنى الايه
لان اللى احنا فيه لعنه او غضب من الله على الرضوخ ده
ابدءى بنفسك راعى ضميرك فى كل حاجه
اهو يبقى اسمه تغير على مستوى الفرد
ثالثا
ازاى يا فالحه مقلتلكيش وان كل يوم اكلمك وابوس ايدك علشان تدخلى تقرى الموضوع الجديد
وانتى منفضالى
واحنا لسه فيها ادخلى ع الموقع وشوفى الحزب ولكى القرار
رابعا
بقى حد يقدر ينسى اصحابه
لما يوصل
بالمناسبه هو انا وصلت فين دنا متحركتش لسه من مكانى
طيب فكره ايام زمان ها
الشراب ولا بلاش تسيح
^_^
اشوفك قريب
ها انتى وعدتى هتيجى
سلام يا احب الناس
اه جى جى
نسيت اقللك
طظ فيكى انتى
يا ماديه وده طبعا مش من التعليق ده من المعرفه الشخصيه
^_^
سلام يا قمر
صار الخوف
ضميرا مستترا
تقديره الحكمه
الخوف هو الفاعل
الخوف هو القاتل
بل
هو النقمه
*****
تعبير لايوصف ..
وحروف يمتنع عنها الكلام..
تتسرب الى الاعماق ..
وترجع بنا الى الوراء ..
تجلعنا نفكر بل نتعمق فيما نحن فيه..
اوليت بالفعل هناك الكثير منكِ غاليتي ..
رائعه بقدر ماتزخرف السماء بنجوم هي في الحقيقه اجسام اذا تعمقنا بها لاتملك شيئا من الروعه ..
ولكن تسحرنا ..تأسرنا ..وتجعلنا اكثر تعلقا ونظرا بها ..
رائعه بالفعل ..
وكلما قرأت لكِ زاد اعجابي بهذا الاسلوب النقي ذات السحر المختلف ..
دمتي بهذا التميزوالنقاء ..
ودام هذا الشعور الصادق ايتها المبدعه..
مع خالص حبي وتقديري واعجابي بما تكتبين ..
لولو
ايه ده بقى يا بنتى انا هاخد تعليقاتك واعملها مدونه
التعليق بيعجبنى اكتر من التدوينه(:
اشوفك على خير ان شاء الله
رانيا
أحذرى الخوف لأنه يسلب الانسان أول أهم خطوة للوصول لأى شئ الخوف سوف يسلبك الاختيار
maged stephen
الخوف سوف يسلبنى الاختيار....
عباره اثارت فى نفسى الشجن
ربما لم اوضع فى هذا الموقف حتى الان ولكنى اخشى ان اتعرض له يوما
تحياتى لك
رانيا
هل تعلمين من اين ياتى الخوف الى قلوبنا
انه ياتى من فرط البعد عن الله وفرط الحب للحياة تحت اى شكل من الاشكال..ضعف الثقة بالنفس ياتى من ضعف الثقة بالله..الخوف على الارزاق والاولاد ومن مستقبل الايام يولد الخنوع والقنوط والدعاء الذى لايستجاب نظرا لعدم اكتمال اركان الدعاء المستجاب..ولن ياتى هذا الفارس الهمام الذى يجمع الامه مهما طالت الايام ذلك ان الخوف لا يلد من رحمه الا الخائفين ..ولن ياتى هذا الفارس من السماء فعصر الانبياء والمعجزات قد والى..الا اذا ظهرت ام للرجال فى غفلة من الزمان والايام وارضعته من صدرها ثقة بالله وبثت فيه شجاعة الرجال بعيدا ان اشباه الرجال
وذلك هو الامل والوحيد وان استعصى ولكنى اظنه فد يكون قريب
hosnysoliman
فرط البعد عن الله
والله عندك حق
اعجبنى موضوع لمدون كتب فيه عن الخوف
وان خوفه من الله حرره من كل انواع الخوف
و لكنى ارى انه لن يفيد انتظار ام ترضع صغارها ثقه بالله
لتخرج بطل
البطل يكمن فى انفسنا ولو تحررنا من الخوف بخوفنا من الله سنكون جميعا ابطال
أسال الله ان يهدينا جميعا
والا يستبدلنا بقوم ينصرونه ونكون نحن من ينصره
تحياتى
إرسال تعليق