عندما تجهض الافكار فى رحم العقل والاحساس
ويعجزالقلم عن
الخروج بذالك الجنين مكتملا
فيولد مجرد مضغه على ا لصفحات
. اطويها
والحسرة تدمى قلبى
يموت جنينى قبل ان يكتمل نموه
......
يواتينى هذا الشعوردوما عندما أتوقف عن الكتابه او عندما
تأبى أفكارى أن تكتمل
ولكن هناك أشياء تسطع لك فتداعب مشاعرك وترتقى بروحك
فتجد القلم يابى ان يتركها تمر مرور الكرام
...
الان وأنا اتامل هذه اللوحة
وجدت روحى ترتقى لهذا المكان
اجد نفسى هناك
أحيا
بعيدا عن كل هموم الدنيا وبعيدا عن كل القيود
عن رتابة الاستيقاظ على أجراس المنبه
عن الروتين اليومى
بدءا من الغدوّ الى العمل
مرورا بالازدحام
والفلول منه
بلا تفكير مضنى فى حال البلد
فى حال الوطن
فى حال الامه
بلا هذه التساؤلات التى تضنى عقلى وتذهب بهجة قلبى
لماذا الحزن فى أنفسنا صبىّ
والسعادة كهول؟
لماذا أخشى المرض وأخشى فراق الاحبه
رغم انه سيأتى اليوم الذى أفارق فيه؟
...
هناك حيث اللا أحقاد واللا ضغائن
بين بنى البشر
حيث
اللا خوف
..
وحدى
احتضن الطبيعه وافترش ورودها
اركض
حينما أبغى الركض
افلت شعرى ليداعبه الهواء
اتمدد على العشب بعد الارهاق
ابسط يديّى
اتامل صفو السماء
.
وحدى
بعيدا عن العيون البشريه
لا احد يتدخل فى شئونى
لا احد يلومنى على جنونى
.
يقشعر جسدى باستنشاق نفحات النسيم
يرتعش قلبى مع اطلالة شمس الصباح
بدفئها الذى يتخلل روحى
.
اسبح فى هذا النهر
ألقى كل همومى على صفحاته
اتركه لياخذها فى أعماقه
يطهرها .فيطهرنى
....
أنعم بصوت الطبيعه
يطربنى نبضها
تنساب روحى فى شراينها
الى ان
أصبح جزءا منها
_________________
رغم أن القلم بات رافضا الا ان يعبر بخواطره عما اوحت اليه هذه اللوحه
ولكنه عجز ان يقدّرها حق قدرها
فهى فى نفسى تحمل اكثر مما تجرّء حبره على وصفها
ما أجمل ان ترتقى روحك الى مكان ينعشها ويعيدها اليك صافيه
مقبله على الحياه
ارتقاء وعوده
بلا هروب
هناك ٧٨ تعليقًا:
رانيا
مااجمل الحياةفى ربوع الخيال الجميل..هذه اللوحة من صنع الخيال وان كانت مجسدةعلى مساحة هى فى الاصل كانت فراغ ولكن تم اخراجها بشاعرية متناهية من اللون والحركه..التركينه اللونية الاصفر والاخضر والبرتقالى من نوعية الالوان المشرقة..قد تكون هذه اللوحة من الطبيعة ولكن الرؤية الداخليه للفنان لهذه الكبيعة اظهرتها بهذه الصورة الجميله..الجمال الداخلى كثيرا ما يضيف على الجمال الخارجى اضافات تزيده جمالا وتجعل الاحساس به اكثر
رانيا احساسك بهذه اللوحه هو احساس داخلى جميل ولد داخلك رغبة شديدة فى معايشة هذه الحاله..الا ان البيئة المحيطة خنقت بداخلك القدرة على التعبير الكامل عن مكنون الاحساس..كان المفروض عند رؤيتك لهذه اللوحة ان تعيشى فيها بكامل جمالها وتعبيرى عن هذا الجمال..الا انك عبرت عن الامنيات فى ان يكون لكن مكان حيقيقى فى هذا المكان
رانيا
اصل الجمال بداخلنا اوقاته قليله والحلم كثيرا هو المتنفس للوصول الى الجمال والحلم كثيرا ما يكون اجمل من الواقع لا تجعلى الواقع يخنق بداخلك الاحلام..عيشى واقع الجمال فى لوحة او مقطوعة موسيقيه..ولا تنتظرى ان تحقق الاحلام على ارض الواقع عيشى الحلم مع الحلم..فى عالم الخيال نطير ونمشى على الماء فى عالم الخيال نخترق المسافات والاوقات..فى عالم الخيال نعيش..اما فى عالم الواقع فاننا نجتهد عسى ان نصل الى تحقيق الاحلام وقليلا ما يكون
رانيا استأذنك فى ان ارسل لك بعض اللوحات الجميله على شاكلة هذه اللوحة حت فسح لحلامك المجال فى التعبير عنها بجميل الكلام منك
استاذى الفنان
حسنى سليمان
من غير اى مجامله انا فى منتهى السعاده اما دخلت لقيت تعليقك هو اول تعليق
تعليقاتك ليها طابع خاص وتحليل جميل
بيدل على عمق وخبره تحسد عليها
ما شاء الله
...
والله صدقت فعلا الواقع الى الواحد عايش فيه
خنق جوايا خيال جميل
اللوحه
ادتنى أكتر بكتير
من اللى انا اديته لها بوصفى
فعلا ادخلت فى نفسى البهجه
واحاسيس كتير تانيه القلم مقدرش يعبر عنها
تداخل الكوخ مع الحيوانات مع الطيور والنهر
الاشجار وتعانق صفرة الشمس مع زرقة السماء مع خضرة الكون
وتجسيد الظلال
أدلها البعد التالت
ففعلا حسيت ان روحى انتقلت هناك وحسيت انى نفسى بجد اكون جزء لا يتجزء منها
...
ومن غير استاذان
انا ابقى شاكره لو تفضلت عليا باللوحات دى لانها بتاثر فيا جدا
وهبعتلك ايميلى على الايميل عندك
الف تحيه ويارب تنورنى دايما
رانيا حبيبه قلبي
بجد خروج تام عن كل الي كتبتيه في الاول
كلمات جديده واحساس جديد
صحيح انتي كتبتي عن تمنياتك انك تكوني في المكان دا وكمان وصفتيه
مع تداخل شعور بالاختناق الي داخلك
عبرتي عنه بكلماتك
بجد انا مبسوطه جدا جدا جدا
من التغير دا
انا حساكي واحده تانيه خالص غير الي اعرفها
اعترف انك بجد فاجئتيني
والله
عايزه اقولك اني بحبك جدا واياك تروحي المكان دا من غير
احنا متفقين علي الحلوي والمره سوا
ربنا يخليكي ليا يا رانيا
اختك جيهان
رانيا
ايوه كده..ايوه كده .هو ده البوست اللى أنا مستنيه من فترة طويلة، و مخيبتيش ظنى..تعرفى لما الواحد بيكتب حاجة كويسة بيبقى خايف من اللى جاى، يا ترى هيكون فى مستوى الاول و لا لأ. يا ترى الناس هتتقبله زى اللى قبليه..و أنت فعلا مخيبتيش ظنى
فى الأول يبدو لى أن قلمك كان يعصيك طوال تلك الأيام السابقة، و كنا نحن -و أكثرهم أنا- للأسف نضغط عليك لتمتعينا بالجديد و ما كنا نعلم بعصيان قلمك لك
فعلا أحيانا تكون الكتابة مثل النحت فى الصخر
تشبيهك عن الأفكار المجهضة فى رحم عقلك و احساسك عجبنى جدا..و أحزنى فى نفس الوقت..أتمنى أن تلدى كل يوم مولودا جديدا أجمل من أخيه و أكثر حيوية..أتمنى إنك تكونى أرنبة فى الكتابة من الاخر
أنعم بصوت الطبيعه
يطربنى نبضها
تنساب روحى فى شراينها
الى ان
أصبح جزءا منها
أعجبنى دلك المقطع كثيرا
أما هدا المقطع فأسعدنى أكثر
ما أجمل ان ترتقى روحك الى مكان ينعشها ويعيدها اليك صافيه
مقبله على الحياه
ارتقاء وعوده
بلا هروب
فقد فسرت أحلامك بالعيش فى هدا المكان و تماهيك فى تلك الفكرة بأنه ارتقاء و عودة و ليس هروبا و ليس يأسا من الواقع..
كتابتك تشى بانسانة صاحبة تفاؤل كبير و حب للحياة عظيم
يسعدنى دائما أن أكون فى تلك المدونة..بيتك الجميل
تحياتى
هناك حيث اللا أحقاد واللا ضغائنبين بنى البشرحيثاللا خوف..وحدى احتضن الطبيعه وافترش ورودها
جامددددددددددددددددددده اوي الحته دي يا رانيا حسب ما هما كاتبين
جامده اوي الكلمات دي نادرا لما بلاقي حاجه بعيده عن الحب و نادرا لما بتعجبني حاجه عن اقتناع و نورتي بلوجي و تعالي بقي شوفي البوست الجديد سلاموز بلوجريك رائئئئئئئئئئئئئع
لوحة بديعة
وكلمات صاغت من اللوحة احساساً جميلاً
كالظلال على عواميد أثرية وقت الشروق
بعض من الصور من هذا النوع أملكها.. بالفعل مثلك.. عندما أنظر إليها أشعر براحة غريبة.. وصفاء ذهني وروحي غريب
ما بالك بالذي يوقن الجنة ويتخيلها وهي أروع من هذه اللوحات بكثير
ألا يستريح من هموم الدنيا؟
ألا يوقن برحمة الله؟
ألا يحب الحياه ويحب من حوله؟
حبيت الدينا عندما تخيلت مكاني في الآخرة
حقاً كما قلتي
أرواحنا ترتقي
تحياتي لك وبكلماتك الجميلة
ولمدونتك الرائعة
هل سيكون قدرنا ان نحلم حتى ونحن مستيقظين ؟ما الذى يمنعنا من التنفيذ ؟مالذى يحول بين اصابعنا وحبات المطر؟ بين عيوننا والاحلام السعيده؟ بين شفاهنا والابتسامة العذبه ؟بين قلوبنا وراحة التفكير ؟بين عقولنا وعدم الانشغال بالمجهول؟
البوست اروع من انى اختصره
gohayna
احب الصديقات
ربنا يكرمك يا بنتى على الكلام الحلو ده
والله الدموع نزلت
اهو انا قلت اغير منتى عارفانى بحب التغير
عموما بس قلت اغير كمان فى الكتابه عشان مملش
وبعدين لو عاوزه تيجى معايا أـاملى الصوره كويس وغمضى عينك و افردى اديكى واستنشقى الهواء دقيقتين وهتلاقى افتحيحا بعد دقيقتين
اهو اديكى جنبى على العشب
وهاتى بلونه معاكى عشان نلعب
ربنا يديم الحب والموده يا اعز الناس
ويخليكى ليا يا جى جى
ابو ضحى
فعلا والله الواحد بيبقى خايف اما يكتب حاجه بعد حاجه تانيه
يكون عدد اللى قروها كتير
انت مضغتش عليا ولا حاجه بالعكس انا سعيد انك متابع المدونه وبتشجعنى على الكتابه
اللى هى فعلا زى ما انت قلت زى النحت على الصخر
وبالنسبه للارانب
:)
يا رب كل الناس اللى بتكتب تبقى ارنابات
اهو يمكن يخرج منا حد يفيد ناس كتير ويرفع راس البلد
وبالنسبه بقى للتفاؤل والاقبال على الحياه
فطبعا صعب جدا ان فى حد يكون كده او على الاقل يبقى كده طول الوقت وخصوصا فى جيلنا الغلبان ده
بس تقدر تقول كل ما يجيلى فترة احباط بعيش فيها وبتالمنى جدا وكرد فعل طبيعى بتمرد عليها عشان اقدر اكمل
يعنى بحاول انظر الى نصف الكوب المليان رغم انه بقى تمن كوب اليومين دول
بس بصب التمن ده فى كوبايه صغيره عشان يبقى نص
:)
يسعدنى اكتر انك تكون فى مدونتى المتواضعه
الف تحيه ليك
copa
صاحب الاسم الغريب
اهلا بيك فى مدونتى
طبعا سعيده انها عجبتك
بس على فكره فى ناس كتيييييرؤ بتكتب عن حاجات غير الحب
قلب انت بس وشوف
واكيد همر عندك كتير لان مدونتك مختلفه وافكرها ظريفه
شكرااااااا
تحياتى
ابراهيم محسن
اهلا بيك فى اول زياره لمدونتى
كالظلال على عواميد أثرية وقت الشروق
جميل اوى الوصف ده
والله صدقت
بس الجنه كمان احلى من كده بكتير فيها مالاعين رات ولا اذن سمعت وما لم يخطر على بال بشر
حتى تخيلنا ليها مش هيكون حقيقى
بس بروحك ممكن ترتقى ليها وتحس بيها
بدون تصور
ربنا يجعلنا من اهلها
سعيده انك انت كمان بتحب تتامل اللوحات دى وبتصفى ذهنك وهذا دليل على ان الجمال موجود فى نفسك
ادام الله عليك هذه النعمه
ويارب
منورنى فى مدونتى المتواضعه
على طول
تحياتى
e7na
اهلا بيك فى مدونتى
الله
كلامك رائع جدا بدون مجامله
تساؤلات عميقه وصياغتها عذبه
ماذا يحول بين اصابعنا والمطر؟
ماذا يحول بين الحلم والعيون؟
حقا ماذا وقد وهبنا الله بنعمة الخيال فمن سلبه منااو من يحاول ان يسرق نعمة الله لنا
؟
انت كلماتك اكبر بكتيييير من وصفى المتواضع
مش مجرد اختصار
تحياتى ويارب دايما منورنى
ممتاز يا رانيا...هذا الاحساس العالي في الكتابه الذي لمسته
تحيه كبيره مني لقلمك الرائع الذي يأبي أن يستسلم لاي حاله انكسار أو احباط من التي شبعنا منها و صدقيني حاله الشعور بنضوب الافكار بتجيلنا كلنا...المهم هو عدم الاستسلام لها
تحياتي لكي و لقلمك
الحالة اللى انتى زكرتيها بتحصلى كتير
تصويرك ليها بجد هايل
قرارتك موافقاكى عليها
ومش هلومك حتى على جنونك
بجد بحييكى
اتته بعض النقود الغير متوقعه
دين استرده او اجر عن عمل حصله
وضع النقود فى جيبه وخرج فى الصباح الى عمله
والطريق الى العمل يمر على المطار
احس انه مفتقد المطار
دخل يدردش مع العاملين
عندكم طيارات ايه النهارده
كذا لكذا
وكذا لكذا
طيب وبكام التذكره
بكذا
لا يعرف الكثيرون انك لو فى المطار والطائرة ستسافر يمكنك الفصال مع مندوب شركة الطيران
خصوصا فى مطار صغير مثل مطار النزهه
ياه
السعر قليل قوى
شنطه هدومه دائما فى السيارة
باسبورة دائما فى جيبه
يحافظ دائما على تجديد فيزا شنجن وفيزا امريكا
ومعظم البلاد الاخرى بدون فيزا
قال لنفسه
ياعم اتكل على الله
بلاد الله لخلق الله
هو يعنى حد حيسال عليك ولا يفتقدك
وركب وسافر
اى بلد مش مهم
المهم يسافر
وسافر
ورأى
وسمع
وعرف
وتعلم
وعاش
وعاد
وتكررت القصه معه عدد مرات
مايكل
اه حالة نضوب الافكار دى بتيجى فعلا للى بيكتب وهى اسوء الحالات بحس انى مخنوقه جدا المشكله ان الواحد بيحاول يدور على افكار جديده
بس بردو مفيش مانع من طرح افكار قديمه بطريقه مختلفه ووجهة نظر تانيه وبعد اخر
انا طبعا بقول كده لنفسى وللجميع
سعدت بكلامك المجامل و وبتشريفك الدائم لمدونتى
تحياتى مايكل
الورده السوداء
ياستى ربنا يكرمك ده تصوير متواضع جدا
انا فرحانه انها بتجيلك انتى كمان
القدره على التخيل والاحساس بجمال الاشياء هبه من عند ربنا
يارب يدمها على كل البشر
ايه ده وكمان مش هتلمينى على جنونى
انتى معايا بقى الرحله الجايه
ها
:)
منورانى يا أجمل الورود
تحياتى
harmless
فعلا السفر كمان ليه تاثير سواء على مستو ى العقل
عن طريق المعرفه والاكتشاف للجديد
وكمان تاثير روحى
لان تعلم ما هو جديد بينعش الروح
قصه جميله وعميقه
واحلى ما فيها هى العوده مره اخرى للوطن للواقع
تحياتى لك
قبل اي حاجه
انتي شفتي فيلم
finding everland
لأ
طيب يا ريت تشوفيه
بجد يا ريت تشوفيه
بوست رقيق وبشوش وكل عشرين خمسين مدونه لما بيصادفني بوست بالتفاؤل والبشاشة دي
ركنتي الحزن على جنب وركنتي الحيره على جنب
وخليتيني احس بارتقاء
احمد سلامه
الى بينور المدونه بزياراته
لاء انا اساسا سمعت عنه وهموت واشوفه
:(
ليه بتفكرنى
:)
وطبعا شكرا على كلامك الرقيق المجامل ده
وفعلا انا سعيده ان كلامى المتواضع قدر ينحى عنك الحزن ويشعرك بالارتقاء
تحياتى لك احمد ويارب منورنى كده دايما
تعرفى
دايما بجد لما اكون مشحونه حزن اوى
اغمض عينى واتخيل انى عايشه فى مكان زى دا
واقات كتير بيوحشنى الاحساس فبعمله حتى لو مش مغمضه عينى
ان شاء الله ربنا يرزقنا اياه فى الجنه
احساسك رقيق اوى
تحياتى
Nothing To Lose
ايه ده وكمان واحد تانيه بتشاركنى
احلامى و الاحساس
بالمكان
يا جماعه كده هنكتر فى المكان ومش هبقى لوحدى
:)
على العموم ياستى انا سعيده انك كمان بتقدرى تخرجى من الحزن بخيالك
ربنا يديمه عليكى ويرزقنا جميعا الفردوس
منورانى ويارب دايما مشرفانى بزيارتك وكلمك الرقيق المجامل
تحياتى
يسعد مساكي يا رانيا
مساء الخيييييييير
انا بس برمي التماسي
بقولك ايه ما تيجي تنفضي معايا الله يخليك لحسن خلاص ماما هتموتني
بحبك وبجد وحشتيني
بكره ان شاء الله بعد العصر لو انكتبلي عمر جديد هكون علي النت والنبي اقعدي علشان وحشاني
جى جى حبيبتى
مساااااااااااء الفل
معلش راحت عليا نومه
ماشى بس الساعه ب50
دولار انا مش اقل من الفلبينيه
يلا سلام يا اعز الناس
r.r.
أولا موضوعك جميل جدا وكلماتك رقيقة ووجدانية جدا
تانيا شكرا لك على زيارة مدونتي ويارب تكوني م الزوار الدائمين لها وتديني رأيك فيها على طول
تحياتي
شهيده
اهلا بيكى فى مدونتى
اسعدتنى كلاماتك المجامله ورايك المشجع
وطبعا هكون متابعه لمدونتك الرائعه
نورتينى ايتها الشهيده
تحياتى
بصراحة هو مكان روعة
عيبه الوحيد ان اكيد في ناموس كتير
كلنا زيك عندنا حالة التداخل الفكري دي
تحياتي لرقتك
Sampateek
اهلا بيكى فى مدونتى
ايه ده
ناموس
:(
وكمان النموس بيتخنق وروحه بترتقى للمكان ده
:(
يعنى روحى هتقرصها روح ناموسه
:)
عموما كويس انك قلتيلى هبقى اخد الكيتو بتاعى معايا
:)
جد بقى
عجبنى كلمة التداخل الفكرى دى
لفظ عميق جدا
سعدت بزيارتك وتحياتى لرقتك انتى وتعليقك الجميل
مش عارف ليه وانا قاعد اقرا البوست كان علي بالي قوي فكرة الجنة..
تفتكري ايه هيا الجنة يا رانيا..؟
طب هوه احنا ينفع نلاقي السعادة في الدنيا ولا ده حلم مستحيل ولازم نموت وندخل الجنة عشان نلاقي السعادة..؟
مش عارف بس دي تساؤلات اثارها موضوعك في دماغي..
اشوفك علي خير
رانيا
استاذنك فى انك تبعتى لى ايميل تانى لانى صلحت الايميل اللى عندى علشان ابعت ليكى اللوحات اللى قلت لك عليها واسف لتاخرى
تحياتي لك وللبوست الجميل أولا
ثانيا:كنت عاوز أقول حاجتين عن البوست اللي فات لو تفتكري..الأولي كلامك عن التردد والاخفاق راجعته فعلا ولقيت ان كلامك مظبوط ..الاتنين نتائج للجهل في النهاية مش أسباب مستقلة..
التانية..حسيت بعد ما قرأت تعليقك ان كلامي ممكن يكون دفعك للتفكير للتوقف ..للتساؤل بعد حالة التفاؤل والانسجام الجميلة..وكنت خايف اصل ده بيحصل لي مع ناس اعرفهم اكلمهم بعقل شوية أو نندمج في الكلام عن الواقع الصعب فترة ..يتخنقوا ويزهقوا ويقولوا بطل تشاؤم أو بطل كلام أصلا..كنت عاوز اقوللك بلاش تفكير او حسابات واحلمي او حلقي بخيالك ولو مؤقتا..والآن فوجئت بارتقائك فعلا فسعدت به للغاية..و هاقول كلام كويس المرة دي..لا تتوقفي عن الكتابة رغم الظروف..ساعدي القلم أكثر اضغطي عليه أكثر حتي لو لم تكتمل الفكرة تماما اعتصريه متمسكة بطيف الفكرة حتي تجلو عن نفسها..بالنسبة للارتقاء الجميل..لا تخافي..تأملي صفو السماء..القي همومك علي صفحات النهر..استمتعي بطرب الطبيعة وذوبي فيها ..امتزجي بها..عودي منتعشة من جديد..لمحات رائعة واحساس جميل..واللوحة رائعة و ملهمة فغلا..أذكر أن لي ارتقاءات مماثلة وان حدثت علي فترات متباعدة جدا..في ليال شديدة الصفاء..أو ملبدة بسحب حمراء كثيفة أو غائمة..لكن البدر المتوهج الناصع يسطع فيها كلها دائما ..أو يراوغ الغيوم المتراكمة فيظهر من بينها تارة وتخفيه عن ناظري أخري ..و أحيانا أرتقي وأنا أقف وحيدا علي كوبري قصر النيل ليلا..هل جربتي؟؟...تمنياتي بارتقاءات قادمة أجمل وأكثر اشراقا..وبعودتك منها دائما في حال أفضل وأكثر قدرة علي المواصلة..تحياتي لك
بمناسبة تعليق يامن والجنة انا دايما أقول عش يومك واهنأ بحياتك ولا تحزن
شريطة ان تحاول ألا تعصي الله وتطيعه بالتالي ممكن تحس بسعادة في دنيتك وكمان في اخرتك
تحياتي ليكي ولتعبيرك الرقيق
yamen
ايه هى الصداقه؟
ايه هي السعاده ؟ايه هو الحب؟
واخرهم
ايه هى الجنه؟ ايه هى الجنه؟
هى المكان اللى مش هتدخله طالما بتسأل الناس الاسئله القويه دى
:)
لابجد
قبل ما اجاوب على السؤال
اللى طبعا مختلف عن ال3 اسئله اللى قبله
من ايام الصالون والكليه لو تفتكر وانت بتسالنا الاسئله دى
طيب انا عاوزك انت بقى اللى تقولى ايه الحاجات دى بالنسبه ليك
يعنى ايه اللى توصلتله من النقاش والاجابات اللى ناس كتيره جاوبتلك عليها
؟
بجد والله عاوزه اعرف
ولو هتقلى لسه متوصلتش لحاجه
هقللك على الاقل جات عليك ولو لحظه كونت فيها راى ولو مبدءى عنها حتى لو الراى خلاص واجهته اسئله تانيه ياريت تقلى اخر حاجه وصلتلها
بالنسبه بقى لاسئلتك عن السعاده والجنه هردللك عليها بعد ما تردلى انت على اسئلتى
تحياتى للك والى اللقاء
استاذى الفنان
لا طبعا مفيش داعى للاسف وان شاء الله هبعتللك ايميلى بعد مخلص رد على باقى المعلقين
ربنا مايحرمناش منك
تحياتى للك
Yosif
اولا شكرا على الاطراء والمجامله
ثانيا بالنسبه للبوست اللى فات بقى
اما كنت كاتباه قصدت جدا العنوان عمر وعمر وقصدت منه تسجيل حالتين مختلفتين فى ناس بتندرج تحت الحاله الاولى وناس تندرج تحت الثانيه وناس بتمر بالحالتين
وعلى فكره تقدر تصنفنى من الناس رقم 3
اللى بتمر بالحالتين
وبالعكس انا شايفه ان الناس مفروض تحسب امورها وتعيش الواقع بس بردو متقتلش الخيال وكل ما هو جميل جواها
لان التماهى فى حاله واحده فى راى متعب جدا
الواقعيه المطلقه متعبه والخيال المطلق بردو متعب
ومتقلقش انت ماأحبطنيش ولا حاجه بس الواحد احيانا بيمر بفترة فتور فى الكتابه
ومش هقدر اوعدك انى هكتب متفاءل على طول
وانتظر منى بوست كئيب
:)
:)
وطبعا اؤيدك ان احيانا الناس بتضايق من اللى بينقدهم وممكن ده ياخرهم عن الكتابه
بس والله كلامك معملش كده فيا
انت اساسا منقدتنيش انت بس اخترت العمر اللى انت شايف نفسك فيه
ومع كل ياريت تنقدنى
انا بحترم جدا كل اللى بينقدنى
نرجع بقى لتعليقك الجميل
حلو اوى الوصف اللى انت كتبته
حسسنى بانتعاش
وبالنسبه لكوبرى قصر النيل فبصراحه ببقى نفسى اقف واعمل كده بس فى ناس ظريفه مش بتخليك تقدر تتامل
بس احيانا بعمل كده على كوبرى الجامعه اهو اقل زحمه
:)
اسعدتنى زيارتك وتعليقك ويارب دايما منورنى
تحياتى لك
Horas
اهلا بيك فى مدونتى
تحياتى لرايك الجميل ولتعقبك ليامن فى مدونتى
بس انا مش هقول راى قبل ما هو يجاوب اسئلتى
وشكرا على مجاملتك
وياريت تنورنى دايما
تحياتى
إحساسك عالي يا رانيا.. ده اللي أقدر فعلا أقوله كلماتك لمست قلبي... عارفه إن حلم الهروب من الصخب الذي يملأ حياتي يداعبني... عبرتي عن هذا الحلم الذي يجول في خاطري... عبرتي عنه بإبداع.... الهروب إلي عالم مليئ بالصفاء والنقاء يجمع فقط الأحباب اللي خايفين بين لحظه والتانيه علي فراقهم.... إرتقاء جميل صعب تحقيقه في واقع إمتلئ بكل شئ مزعج وممل
سلاماااااااااااات
your feeling is great especially the paint and i think the most right word that explain the writing & the paint as we understand from your words i ( paradice)
كلماتك رقيقة اوى و معبرة اوى و بجد تفسيرك للوحة فيه شئ من الخيال الواسع
بحييكى على كلماتك الجميلة و على البوست و بجد الصورة اللى انتى حاطاها للموضوع جميلة اوى و تخلى الواحد يفكر فيها باكتر من اتجاه
دى اول زيارة ليا لمدونتك
أتمنى تزورى مدونتى و تعجبك مواضيعها
تحياتى
reri
ازيك بقالك كتير مجتيش عندى
والله فرحت بالزياره دى
تعرفى اهو ممكن تحاولى تهربى من الواقع وتروحى خمس دقايق وترجعى المشوار مش بعيد
:)
لا بجد اسعدنى كلامك واحساسك بكلامى
وانه لمس قلبك الرقيق وانه على رغم تواضعه عبر عن اللى جواكى
منورانى يا رحاب ويارب دايما
rainbow
اهلا بيك فى مدونتى
سعيده ان اللوحه والوصف عجبك
وبالنسبه لتعلق الموضوع والوصف بالجنه
ممممممم
المعنى فى بطن الشاعر
او الكاتب
اسعدتنى زيارتك ويارب تنورنى دايما
Eman Eltaher
ايمان اهلا بيكى فى مدونتى
ايه بس الكلام الجميل الى انتى كتباه حسستينى بنفسى
ياستى ده يدل على انك انسانه جميله وبتحسى بالجمال
واكيد هزورك وهتبعك انا رحت بسرعه شوفت مدونتك وهدخلها تانى وبتانى
يارب تنورينى دايما
تحياتى لكى
رانيا انتي شعلة نشاط
في حاجات كتير لازم تستأنف
بينا كلام كتير
ابن مرّ
اولا دى شهاده اعتز بها
اما ابن مرّ شخصيا يشهدهالى
ثانيا
بالنسبه للحاجات الى عاوز تستانفها
كويس جدا انت اللى جبته لنفسك
هطلع الغيظ اللى جوايا وواثقه انك مش هتزعل
انت بصراحه فقدت مصداقيتك معايا وخصوصا بعد موقف جمعية مصر
وكنت قررت انى مش هشارك تانى معاك فى انشطه تديرها
ومع كل عشان أحترامى ومعزتى ليك
انا على كامل الاستعداد للمشاركه
لو كان فى نشاط جديد اقدر اقوم فيه بدور
بس بشرط ان الموضوع يبقى جد وفى التزام بالكلمه والمواعيد
الى اخر الحاجات اللى بيضيقنى وبيضايق غيرى عدم توافرها
وياريت الكلام ده ميبقاش كالعاده للاستهلاك فقط
واخد بالك يا فاروق
يلا سلام والى اللقاء ولو فى جديد ابقى قلى
يا سلام لما روحي تروح المكان ده خميس و جمعة ترتاح و ترجع تاني
حلم جميل
it was very nice to visit ur log .
i feelt that i was flying with ur words .
keep on sweety :)
enty 3andek mawheba begad (mish zay:((
لماذا الحزن فى أنفسنا صبىّ والسعادة كهول؟لماذا أخشى المرض وأخشى فراق الاحبه رغم انه سيأتى اليوم الذى أفارق فيه؟
عجبني الكلام دة جداا
الصورة معبرة
السعادة لا تنبع الا من الداخل لو تتبعنا داخلنا لما كانت تلك الاسئلة ولكننا دوما نبحث عنها في الخارج وعند الاخرين وفي هجرة او مكوث بين الاحبة وبعد قليل نكتشف اننا واهمين فلا توجد سعادة مطلقة في الحياة القليل منها يكون في داخلنا وينمي بنماء رقي الاحساس بة في ركعتين خشوع في عمل خير بدون انتظار ثناء في مساعدة الاخرين في حب الخير للغير هنا بداية طريق البحث
تحياتي
ههههههههههههههههه عجبني تعليق سمباتيك
عارفة فية صور بنشوفها ونقول جميلة لابعد الحدود وفي الواقع لاتستطيعين ان تمكسي فيها لدقائق تكفي لالتقاط الصورة فيقرصك الناموس وتزحف عليك النمل وتلسعك الحرارة المغلفة بالرطوبة او البرودة القاسية انا جربت دة في الغابات الاستوائية لما سافرت مناظر تحفة بس الواقع صعب
كلمات رائعة
تقطر عذوبة
تحياتي لكل تلك البراءة
bastokka طهقانة
اهلا بيكى فى مدونتى
اه ياااااااريت
انا طماعه شويه عاوزه اقعد اسبوعين
اكل وشرب واقامه
ببلاش خدمه 7 نجوم
يارب تنورينى دايما من غير متكونى طهقانه
:)
تحياتى لكى
dr_lazeez
اهلا بيك فى مدونتى
وطبعا متشكره على كلامك المجامل
وسعيده ان كلاماتى البسيطه اديتك الاحساس ده
بس انت بردو عندك موهبه
واعتقد كل من هو قادر ان يعبر عما بداخله ويتجرء على ايضاحه للناس
انه انسان موهوب
ادام الله موهبتك
وكيييب اون انت كمان
ويارب تنورنى دايما
تحياتى لك
كراكيب عادل
اهلا بيك فى اولى زياراتك ويار متبقاش الاخيره
تعرف انت اول واحد يعلق على الجزئيه دى
وانت فعلا قدرت تستشف حاجه كتبتها بين السطور وليها اثر جوايا بل هى اللى بتحركنى لكتابة ما هو متفائل لكى اتخلص منها
فعلا السعاده بتنبع من جوانا واحنا اللى نقدر زى منتا قلت نوصلها
لان الحاجات اللى حوالينا موجوده طول الوقت بس رغبتك فى اسعاد نفسك هى اللى بتخليك تنظر لما يحيط بك بنظره مختلفه كى تستخرج منها السعاده
وبالنسبه لتعليق سمباتيك فعلا عجبنى وضحكنى
انا بكره اوى الناموس قال يعنى فى حد بيحبه
حاجه كده صغيره ولزقه ومبقتش تتهش بسهوله
ويا بختك على زيارة الغابات الاستوئيه
منظرها بديع فعلا
بس الخوف هناك مش من الناموس ده من التسى
تسى
سعيده بزيارتك
منورنى
تحياتى لك
صاحب البوابــة
اهلا بيك فى اول زياره
لمدونتى المتواضعه
ايه بس المجامله الرقيقه دى
كلمات رائعه وكمان عذبه
وتفطر براءه
اعتقد ان الكلام ده يدل على انسان كلماته رائعه وهى نبع العذوبه والبراءه
متشكره على زيارتك وكلامك المشجع
ويارب تنورنى دايما
تحياتى لك
دى يمكن تكون أول مرة أزور مدونتك
مدونة جيلة فعلا
انا عجبنى تعبيراتك ورغبتك فى انفراد بنفسك فى مكان مثل ما فى اللوحة
لكن تعرفى؟
الجنة من غير ناس ما تنداس
صعبة الوحدة حتى فى أجمل بقاع العالم
ربنا ما يحكم عليكى بالوحدة ابدا
حتى من يقولون أنهم يشعرون بالوحدة وحولهم ناس تانية لا يشعرون بمعنى أن تكون وحيدا حقا بلا أى رفيق
تحياتى للبوست الرقيق من المدونة الرقيقة
ياسمين شخصيا
منورانى
انا فى غاية السعاده اماا انشط مدونه واكثرهم رقه وخفة دم تيجى تزورنى
طبعا انا معاكى ان الوحده حاجه متعبه جدا وممكن تؤدى الى الاكتئاب
ويارب متتكتبش على حد ابدا
بس تعرفى احيانا الواحد بيحب مش يبقى وحيد تقدرى تقولى ينفرد بنفسه لوقت معين يراجع نفسه يصفيها عشان يرجع للناس تانى وكله حيويه وعلى استعداد للشد والرخى معاهم
تحياتى لاجمل المدونات
ويارب تشرفينى على طول بزيرتك
وشكرا على كلامك المجامل
في الحقيقة احساسك باللوحة اكثر من رائع ...
اعتقد اننا جميعا صرنا نتمني ان نعيش فيها ولاكنها في الحقيقة مجرد خيال خصب طبع على لوحة فنية ..
يبدوا ان كل الظروف حولنا حولت مؤشر عقولنا وقلوبنا نحو الخيال ولا سواه بديل بعيدا عن المشاحنات والمضايقات في حياتنا الرتيبة...
احساسك رائع وخيالك بديع في الحقيقة سعدت كثيرا بكلماتك واتمني مشاركتك عندي
هوه اللي بنعمله في الناس هايطلع علينا ولا ايه؟
:)
ماشي ياست رانيا
بتهربي من السؤال يعني؟ماشي
طب انا هاجاوبك علي سؤال واحد و تجاوبيني علي سؤال واحد
ايه رايك في اللعبة دي؟؟؟
اول سؤال هاجاوبك عليه هو ايه هو الحب؟
اقري التعليقات اللي كتبتها عند ياسمين صاحبة مدونة سكاي لايت في تدوينتها اللي فاتت..
واللي انا كاتبه هناك هو تقريبا افكاري في الموضوع ده..
و انا باعمل كده عشان ماكررش الكلام تاني..
او بمعني اصح عشان اغيظك وابقي برضه ماجاوبتش
:)
ادي السؤال بتاعي
الدور عليكي
مستني ردك
تحياتي
موضوع رائع
وأحساسك أكتر من رائع
بجد مش لاقية كلام أقوله من كتر روعة كلامك
Ahmed taher
اهلا بيك احمد فى مدونتى
اولا اشكرك على كلماتك العذبه وعلى احساسك الجميل باللوحه وكلماتى
وبالنسبه للهروب من الحقيقه والواقع للخيال
انا متفقه معاك بس تعرف المشكله ان فى ناس مبقتش تقدر تعمل كده حتى الخيال اتحرموا منه
ممكن تقول لشدة الواقعيه اللى بقنا فيها قتلت جوانا كل جميل
سعدت بتشريفك و ان شاء الله هتبعك فى مدونتك
yamen
انا مش فاهمه ايه الناس اللى جايا تلعب فى مدونتى دى
اجرى يا شاطر العب قدام مدونتك
يلا عشان هرش مايه
:)
بقى بتغظنى وعاوز تهرب من سؤالى
طيب انا بقى موافقه على اللعبه
وبما انك اقترحت اللعبه وطريقة اللعب
هقترح انا كمان القواعد
احنا الاتنين هنرد على كل الاسئله اللى فوق
ماشى
انت بدات ورديت عند ياسمين عن ايه هو الحب
وانا كمان ردت عند ياسمين عن ايه هو الحب ولو كان كلامى هناك مش واضح فانا قبل كده جاوبت على السؤال ده فى الصالون
وفى الكليه
مش انا بس دى الدفعه كلها والعميد وعم عوض وعم سمير
والدكترا
كدا بقى ندخل على اللى بعده
ولك حق اختيار السؤال اللى هتجاوب عليه
؟
يلا يا سى يامن كمل اللعبه
مستنيه ردك
تحياتى
bos bos
اهلا بيكى فى مدونتى
بقى مش لاقيه كلام
ده انتى قلتى كل الكلام
اشكر ذوقك وحسك المرهف ويارب تنورينى دايما
تحياتى
رانيا بجد كلمات رقيقة
اتمنى انى الاقى فعلا مكان زى ده
اقدر انسى فيه الدنيا و كل اللى فيها
اتمنى انك تعيشى دايما فى سلام نفسى زى اللى كتبتى عليه
tearwhispers
ازيك يا شاهندا
جميله اوى سلام نفسى دى
لخصتى فيها كل الوصف بل واضفتى معانى تانيه
ان شاء الله تلاقى افضل منه
تحياتى لكى
ويارب تنورينى دايما
في انتظار ما هو جديد
تحياتي لكي
O dia 25 de Abril de 1974 foi o dia do derrube da ditadura fascista em Portugal, a chamada REVOLUÇÃO DOS CRAVOS, e a queda do (poder) dos inimigos do povo. 25 de Abril, sempre.
Day 25 of April of 1974 was the day of it knocks down of the dictatorship fascist in Portugal, the call REVOLUTION OF the flowers, and the fall of the power of the enemies of the people. 25 of April, forever!
يوم 25 نيسان 1974 كان يوم تقرع عليها من الديكتاتوريه الفاشيه في البرتغال والدعوة للثورة الزهور ، وسقوط سلطة أعداء الشعب. 25 نيسان ، الى الابد!
День 25 апреля 1974 года, в день он постучит в воздухе фашистской диктатуры в Португалии слово О РЕВОЛЮЦИИ цветы, и падение власти враги народа. 25 апреля, навсегда!
Le jour 25 d'avril de 1974 était le jour de lui frappe vers le bas du fasciste de dictature au Portugal, de la RÉVOLUTION d'appel des fleurs, et de la chute de la puissance des ennemis du peuple. 25 d'avril, pour toujours !
Tag 25 von April von 1974 war der Tag von ihm klopft unten vom Diktaturfaschisten in Portugal, von der Anruf REVOLUTION der Blumen und vom Fall der Energie der Feinde von den Leuten. 25 von April, für immer
25天41974年的一天,它拍下來的法西斯獨裁政權,葡萄牙 號召革命的鮮花,秋天的權力得到人民的敵人. 25日,永不停息
انا كمان بتمنى كده
ضغط الحياه والظروف اصبحت مستحيله
نفسى اهرب من كل ده واعيش فى مكان كده
لا فيه هموم ولا ضغوط ولا ظروف
مدونتك لطيفه اوى
تحياتى
يا رانيا انتي مش كاتبة ايميلك في البروفيل ولا المدونة و الصورة اللي انتي طلبتيها مش عارف ابعتهالك ابعتيلي عالياهوو ايميلك
علشان بس ماتقوليش مطنش ومصهين و مابعتش
:)
تحياتي
رانيا يا بنت الحلال
انتي فين يا بنتي
معلش مشغوله علشان بابا لسه جاي النهارده
وبعدين خلاص فاضلي اسبوعين وامشي
ابقي طمنيني عليكي
اكثر ما اعجبنى .....ء
هو هذا الحس العالي و هذا التحرر من قيد الجسد....ء
كان روحك هامت مع كل ذرة من ذرات المكان....ء
واندمجت بخلايا اوراق الاشجار...ء
وقطرات الندى التى تعلوها..ء
و سبحت مع مياه النهر الهادئة....ء
اشكرك على هذة الرحلة النقية التى اخذتنى اليها عبر قلمك و احساسك....ء
و اشكرك على تعليقك.....ء
ادمنت مدونتك 3 مرات قبل الاكل!......ء
عمرو البكري
anteem.blogspot.com
رانيا .........طب أقول إيه بعد ده كله ..
جميل جدًا ، ومعتبر نفسي أكتشفتك .. من جديد
تحياااااااتي يا جميـل :)
micheal
اولا اعتزر عن تأخرى فى الرد
على تعليقك الذى يدل على متابعتك لى
وهذا يسعدنى جدا
انا مشغوله جدا عشان كده مش قادره اكتب جديد
ولكنى ساداوم على متابعتك ومتابعة الاخرين
ودعواتك
تحياتى لك
david santos
اهلا بيك فى مدونتى
يارب عقبالنا احنا كمان اما يسقط اعدائنا
تحياتى
REEMOO
اهلا بيكى فى اول زياره ويارب تتكرر دايما
فعلا الواحد كتير بيميل للجو ده عشان يرتاح شويه من الاعباء
ميرسى على لطفك ومجاملتك
ويارب تنورينى دايما
تحياتى
الحصان الأسود
لا ابدا مقلتش كده
بس انا اكتشفت ان التعليقات اللى بتيجى على
in box
بيبقى مكتوب فيها الميل
فممكن تعرفه من اخر تعليق عندك
اشكر اهتمامك
تحياتى
جيهان
حمدالله على سلامة عمو
معلش انا مخنوقه شويه عشان كده مقصره معاكم
عموما هتصل بيكى بس عشان خطرى ركزوا شويه مع جرس التليفون
ومتلغوش الصوت كالعاده
الى اللقاء
قبل السفر
Amr & Eslam
اهلا بيك فى اول زياره
احيى روحك التى انتقلت الى المكان وتذوقت قطرات الندى اعلى الوريقات
وسبحت فى النهر
اسعدنى اطراءك
ويارب تصبح اكثر ادمانا لمدونتى
ادمان لا شفاء منه
تحياتى لك
إبـراهيم ... معـايــا
اهلا بيك فى مدونتى
اشكرك على مجاملتك
وسعيده لاكتشافك لى
مع انى مش فاهمه يعنى ايه من جديد
بس على كل
اهلا بك
ويارب منورنى دايما
تحياتى
مش فاهم قصدك
يعني اية التعليقات اللي بتيجي عال
inbox
بيبقى فيها الايميل ؟؟
اخر تعليق عندي ليكي باسمك بيروح بروفيلك و بلوجك لكن مش بيبين ايميلك
عالعموم ايميلي مكتوب في البلج عندي ابعتيلي علية وانا حابعت لك الصورة لو تحبي
تحياتي
إرسال تعليق