كل سنه وانتم طيبين
سنه 2007عدت
بكل اللى فيها من افرا ح واحزان ومواقف كتيره فى حيتنا علمتنا وكبرتنا
اجمل ما فيها انى عرفت ناس كتيره منكم اثروا فيا جدا حبتهم جدا من غير ما اشوفهم
عرفت قد ايه هو جميل ان حد يحس بيا ويشاركنى احساسى الى فضفضت بيه من خلال البوستات
اعتقد ان كلنا اثر فينا التدوين واضاف لينا ووسع فكرنا وقلبنا واستيعبنا لناس تانيه مختلفين عنا فى وجهة النظر
ربنا يديم علينا نعمة الكتابه والفضفضه
:)
ودلوقتى احنا فى انتظار 2008
يارب تبقى سنه جميله علينا كلنا نتعلم فيها اكتر ونكتب اكتر
ونحقق فيها ولو حلم من احلامنا
تحياتى لكم جميعا
هناك ١٣ تعليقًا:
حمد الله ع السلامه و كل سنه و أنتي طيبه
عزيزتى
كل سنة وانتى طيبة وبخير يا رب دايمن
طبعا فضفضنا كتير واتخانقنا كتير وقبلنا كلمات حق كتير وكلمات نفاق كتير المدونات زى الدنيا فيها الصدق والصراحه والخداع والكدب
اه معاكى حق لو حلم يتحقق بس حلم بجد والاحلام دايمن صعب تتحق
نقول يارب ونسبها عليه
سلام يا افندم
نسيت اقولك ليه الغيبه دى كلها مش هنا مكان للفضفضه ولا كانت الفضفضه عندك اكبر مننا
بلاش تغيبى كده تانى
سلام
كل سنة وانتي طيبة يا رانيا
ويا رب السنادي اجمل وانجح واحلى ليكي يا رب
بس يا ريت السنادي تبطلي كسل وتكتبى اكتر بقى
:)
سلامي ليكي يا صديقتي العزيزة
صديقتى العزيزه رانيا
كل سنه وانت طيبة وحمدالله على
السلامه وان شاء الله تكون سنه 2008 سنه خير وسعاده علينا وكل واحد مننا تتحقق امانيه فى هذا العام وفى كل الحياه وربنا يوفقنا
هايدى
micheal
صديقى العزيز مايكل
الله يسلمك ميرسى جدا على حاجات كتير
بجد انت من افضل الناس الى اتعرفت عليهم فى المدونه
كل سنه والناس كلها بخير
ولك من متابعه اما ندخل الدى اس ال فى الشقه الجديده الى اتنقلنا ليها
الف تحيه لك
احساس برضوا حى
وانت طيب اولا انا سعيده بجد لوجودك فى المدونه
فعلا المدونات زى الدنيا بالظبط فيها كل المتضادات
بس تعرف انا بحس انها الى حد ما اكثر صدقا نظرا لان الناس بتبقى مستخبيه مش بتواجه بعض فعلى ما اعتقد لا حاجه للنفاق الزايد ممكن ناس تسميها مجاملات
بالنسبه بقى للاحلام فبجد الموضوع مش فى صعوبة تحقيقها
الموضوع اننا بقنا نحلم غلط وندعى ربنا اننا نحقق احلام لو فعلا اتحققت محدش عارف ايه مصيرنا
بس بردو كما قال منير
لو بطلنا نحلم نموت
انا متشكره على تعليقك وان شاء الله هرجع تانى ادون اما نركب الدى اس ال فى الشقه اللى اتنقلنا فيها الفتره دى
وطبعا ليك منى متابعه جيده من غير نفا...
اقصد مجاملات
:)
تحياتى ليك وكل سنه وانت طيب
صديقى العزيز جدا أحمد سلامه
كل سنه وانت بالف خير
انا مقصره جدا معاك بس زى ما قلت لاصدقاءى فى التعليق السابق
لسه مركبتش الدى اس ال
فى الشقه الجديده ومجرد ما يركب هخنقكم مواضيع جديده وتعليقات على مواضيعكم الجميله
ميرسى ليك يا احمد
ولى عوده لمدونتك ان شاء الله
الف تحيه لك
هايدى صديقتى الحبيبه
وانت بالف صحه وسلامه يا هيوود
يارب ياهايدى تبقى سنه جميله علينا كلنا وربنا يكرمنا فيها كلنا
عايزين نشوفك يا هانم
ها مفيش عنك اى اخبار
:)
يلا اشوفك قريب
هو 2007 بالنسبالي انا كمان كبني آدم عادي عايش على تراب البلد دي ... اعتقد انها كانت سنه محورية في التاريخ ... على المستوى الشخصي و على المستوى العام ..
ربنا يستر و يكون للأفضل دائما ...
تحياتي
تليفزيون ملون
عزيزتى
ارجوا تعليقك على اخر بوست ليه للاهمية
تعليق صريح وواضح وحاد يا ريت
سلام
رانيا
خشي اي سايبر يا رانيا وطمنينا عليكي
كده مده يعني
:(
وانت طيبه
إرسال تعليق