الجمعة، ٧ نوفمبر ٢٠٠٨

وكانت النهايه


تركته ....ورحلت
وجهى...تغشاه خجلة حمراء
وجهه...تغشاه نظرة لم أعرف كنهها
أردتها أن تكون تساؤلا ...هل يأتى يوما لنعود؟
.........
تركته .....ووقفت(اراه بلحظ العين ...بلحظ القلب)ا
مررت امامه علىّ أصبو بنتهيدة ...
يشفى دفئها برودة حلت بأوصالى

اردت ان اتنفس اخر انفاسه علّها..ا
ذكرى أطيب بها قلبى واخطارى

...........
تركته ...ونظرت
وجدت عينيه بعيدة
لا تلحظ عينى
لا تلحظ وجهى
لا تلحظ حتى وجهتى
كان يصبو للطرف الاخر من الحياه
.......
تركنى .......وأبيت
ان تدمع عينى لفراق .........كان بمخيلتى

هناك ١٩ تعليقًا:

micheal يقول...

راجعلنا ببوست حزين
ماشي
:)
بس علي فكرة كلامك مؤثر بجد
تحياتي

R.R يقول...

مايكل

طب منا ملقتش غيره انت عارف اننا شعب نحب النكد ونشجعه
:)
متشكره على رايك اسعدنى كثيرا
تحياتى مايكل

Hannoda يقول...

حلوة قوي

بسيطة قوي
بس فيها معاني حقيقية

(أردتها) أن تكون تساؤلا ...هل يأتى يوما لنعود؟

الكلمة الأولي ده حسستني بضعف شديد.. ضعف اللي بيحب رغم كل الحقايق اللي شايفها

ضعف جاي من جوة قوي
لكن متغلف بقوةرسمتها الجملة ده

وأبيت ان تدمع عينى لفراق كان بمخيلتى

بجد حلوة قوي

وحشتيني

R.R يقول...

hanooda
انتى كمان وحشتينى
انا مبسوطه اوى انه عجبك
وعجبنى تلقيكى للنص دومتى بكل خير
منورانى يا جميله

إيمان قنديل يقول...

ما اصعب لحظات الفراق

لقد اوجعتي قلبي حقا

R.R يقول...

كباريه
مرحبا بكى فى مدونتى
صدقتى ما اصعب لحظات الفراق
تحياتى لكى
منورانى

توهة يقول...

بعد الفراق نولد من جديد شخص قد يكون فقد بعضا من نفسه ولكنه سيستمر أو يكون شخصا قد اكتسب سلاحا اخر فى مواجهة الحياة


وبصراحه سعدت بتعليقك وشدتنى كلماتك جدا وقوتها



تحياتى

R.R يقول...

توهه
اهلا بكى عزيزتى فى المدونه
صدقتى ,حقا قد تصنع منك التجربه شخص اخر
حتى لو افقدتك بعضا من الشخص الذى كنتى عليه قبلها
هذه هى الحياه
اسعدنى اعجابك بكلماتى
ويارب منورانى دايما بوجودك وتعليقاتك
تحياتى

قصاقيص يقول...

الله بجد
البوست روعه
واحساسه عالي اوي
...............
تقبلي مروري

R.R يقول...

قصاقيص
اهلا بيكى فى اولى زياراتك لمدونتى وارجو الا تكون الاخيره
اسعدنى كثيرا تعليقك

دمتى بكل خير

أحمد سلامــة يقول...

:)
الف الف حمدالله عالسلامة
11 شهر !!
اد كده التدوين بقى صعب
عموما حزن البوست مش هي هيغطي فرحة رجوعك بالسلامة
اكتبي تاني قريب
كفاية غربة

youssef يقول...

بشعور من يتطلع تطلعا يائسا يعرف أنه لن يوصله الي قرار لكنه يستمر حتي يصل الي نهاية الطريق فيواسي نفسه بامل كاذب .. لكنه يواجه نفسه في النهاية ( تركني ) .. ثم يكتسب قوة لم تكن لديه من قبل .. لكن هل هي قوة حقا أو تحايلا علي غصة في النفس مؤلمة ؟؟

... ..

بصراحة .. تصورت انك لن تعودي للمدونة .. لكن عودا حميدا رانيا و دمتي بكل الخير

تحياتي

R.R يقول...

أحمد سلامه
بقى فعلا صعب الواحد بيكتب ومش بيقدر يكمل

متشكره على تعليقك الجميل
:)
وياااارب الغربه مدمش لان الكتابه وحشتنى
دومت بكل خير يا صديقى

R.R يقول...

يوسف

هل هي قوة حقا أو تحايلا علي غصة في النفس مؤلمة ؟؟
وهو ما اردته من الجمله ان تطرحح فى النفوس هذا السؤال
والمعنى فى فكر الكاتبي
:)
اشكرك على الترحاب بعودتى وارجو الا ياتى اليوم الذى لا نتوقف فيه عن التدوين للابد
دومت بكل الخير

احساس لسه حى يقول...

عزيزتى

وليه كانت النهاية
قولى دى البداية

ومهما كانت الدموع كتيرة
مسيرها هتجف

تحياتى
سلااام

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

R.R يقول...

احساس لسه حى

نعم كل نهايه يتلوها او يصاحبها بداية جديده لا يعلم مصيرها الا المولى عزّ وجلّ

تحياتى لك ايضا

اقصوصه يقول...

غالبا

تكون النهايات

بذرة بدايات جديده:)

R.R يقول...

اصقوصه
اهلا باولى زيارتك لمدونتى
حقا
النهايه هى بذرة الباديه
ان لم تكن تلك النهايه نهاية ابديه
تحياتى