من قلب الاسى يولد الامل
من قلب الموت تولد ا لحياه
لكنك وطنى... تماديت فى الكسل
عقيم رحمك...خائب رجاه
....................
جئتك صغيره
اشدو بحسنك
اعشق دفئك
اعجب ممن لاذوا بالرحيل
كبرت الان
علمت عرضك
مباح فقط للخائنين
....
بين احضانك ..ناشدت الخطيئه
ألبست الفضيله
ثوب الشياطين
وطنى:.....أتقسو كلماتى عليك؟
ما بال أفعالك يندى لها الجبين؟
حنانيك تمهل بنا
كفى ذاك الفعل الأليم
وءدت براءة احلامنا
أعتقت روح الاثمين
خبرنى :من منا السادى
على أكون من الظالمين
.......
أكتب اليك
علك تيقظ
تلعن شعرى
فهو مهين
ألحادنا بك صار فريضة
يلزم بها جمع المؤمنين
.......
وقبل الرحيل
ساترك امضتى
تستجدى عطفك
عبر السنين
فتاة ....بل رفات بعثره شوق وانين
فتاة ....بل رفات بعثره شوق وانين
هناك ٢٨ تعليقًا:
محاولة واعدة
انصحك بقراءة عن العروض و اوزان الشعر
لا احبذ لفظة الالحاد باي حال
تحياتي
sapateek
اهلا بيك فى مدونتى
انا فعلا مش ظبطه العروض
دى كانت اول كتابه للنص من دون تنقيح مش معننى كده انى مش محتاجه اقرى اكتر فى العروض انا فعلا عندى مشكله فيه
بالنسبه للفظ الالحاد بالوطن فده بصراحه شعور وصل ليه ناس كتير
بما تحمله الكلمه من معانى
عموما شكرا تعليقك
تحياتى
اولا حمدالله عالسلامة
وحشتني تدويناتك
وثانيا بقى
انتي بردو قسيتي عليها
وهي مشلولة قدامك زي ما انتي شايفاها
عارفاني مبحبش اتدخل في اللي ماليش فيه
:)
عشان كده حابب اقولك كلمة الحاد محستشهاش غريبة
مش ده نص شعري بردو ؟؟!!
عزيزتى
اصعب شئ لما الامل يبتدى يموت جوانا
بس لازم زى ما قولتى من قلب الاسى يولد الامل وده اللى مخلينا عارفين نعيش
وبنحاول نعيش
مهما كان الاسى
كلام جميل
تحياتى
سلام
العزيز أحمد سلامه
الله يسلمك يا أحمد بجد استقبالك لعودتى للتدوين فرحنى جدا ربنا يبارك فيك
وعوده الى التدوينه
انا يمكن قسيت عليها بس ده من حبى فيها
زى الام ما بتقسى على ولادها عشان يفوقوا
انا بقى بقسى على امى يمكن تفوق من الشلل ده نوع من العلاج النفسى
اه ده نص شعرى بس فى حاجات فى الوزن واقعه شويه اصل كتبته بحماس ونزلته من غير ما اظبط الوزن
منور ي احمد وخليك على جنب واوعى تدخل فى اللى ملكش فيه
:)
احساس لسه حى
الامل مخلوق جميل لازم نحافظ على تواجده جوانا
اشكرك على تواجدك وتعليقك
تحياتى لك ايضا
يقول الشاعر غبد الرحمن يوسف
يا من لعرضى هتك فقدت شرعيتك
من ربع قرن كئيب لعنتها طلعتك
اموالنا لك حل فاملاء بها جعبتك
خلف الحراسة دما مستعرضا قوتك
تبدى مظاهر عز ....تخفى بها ذلتك
سلاح جيشك درعا تحمى بة عصبتك
مع العدو كليل ..لكن بشعبى فتك
سواد قلبك باد ....فأصبغ به شيبتك
أهلا بعودتك يا رانيا
حمد الله ع السلامه
متبقيش تغيبي كتير
تحياتي
حمدا لله على سلامتك
كنت باجى مدونتك كتير ومعرفش ايه سبب انقطاعك
kafrawy
اهلا بيك فى مدونتى
بعد اللى قاله عبد الرحمن يوسف
مقدرش اقول حاجه بعده
وربنا يستر
تحياتى لك وله
مايكل
ربنا يخليك ان شاء الله مش هغيب تانى
تحياتى لك
حزين
الله يسلمك
اولا انا فعلا سعيده انك كنت بتزور مدونتى حتى فى غيابى
اما عن سبب الغياب
فتقدر تقول ظروف الاسريه
على انتقال من مكان سكن لمكان اخر انت عارف بقى حلنى عقبال متنقل خط التليفون وما يتبعه من توصيل دى اس ال
وكمان اسباب دراسيه
عموما متشكره على سؤالك
واتنى تواجدك على طول
تحياتى
خد من قلبى وسر
هي يكون الوطن هو الجاني ، نستشعر بالحسرة والتناقض/ تراه هو ام ذاك النظام الذي جعلنا نراه والوطن واحد.. نراه وقد اعطى للوطن صورة واحده كلما وجهت وجهك شطر المشرق والمغرب تراها هي هي ...
جميله هي زفراتك واناتك....
دمت بكل ود ...
خالص تحياتي...
ابو على
امييييييين
اهلا بك فى لمدونه
تحياتى
osama
تحيرت بالفعل نظراتنا المتسائله الحائره هل هو الوطن ام النظام او بالمعنى الادق
نحن الشعب ام النظام؟
من منا العاجز اما كلانا عقيم ؟
اشكرك على مرورك وتعليقك
دمت ايضا بكل خير
تحياتى لك
رانيا وحشاني اولا
ثانيا لولا انك مؤمنه بيه ولسه ما الحدتيش بالوطن ما كنتيش كتبتي ده
يعني الفكره جوانا وهتفضل جوانا
هم بيحاولوا يشوهوها بس احنا لازم نفضل مؤمنين بيها
سلامي ليكي يا جميل
رحاب والله وانتى كمان وحشتينى
الله يسلمك يا حبيبتى
تعرفى فعلا انتى عندك حق لان اما الواحد يكره حاجه مش بيحب يفكر فيها اصلا
بحبه فعلا وصعبان عليا اللى بيحصل فيه
ولازم نفضل مؤمنين بيه
الف سلام وتحيه ليكى يا رحووب
الانحدار سريع جدا
ليه كده؟
كنت زمااااااان اسال نفسى
ماذا يقول القوادون والعاهرون فى مجالسهم؟
ما رأيهم فى الشرف وهم بلا شرف؟
ما تبريرهم لافعالهم وهم منبطحون هكذا؟
اليوم تغير الزمن
اليوم اسمع واقرا كل يوم للقوادين والعاهرين وقد تبوأوا مراكز القباده وسبحان مغير الاحوال
صرت اسمع يوميا كلام ليس فيه شرف ولا كرامه ولا تخوه ولا انسانيه
صرت اسمع تبريرا حقيرا للخيانه وللذل وللانبطاح وللتغاضى عن ما يفعله الاعداء بشرفنا
ارتدى القواد البذله وتزين الديوس بالكرافته وامسك الشاذ بالميكروفون
ينصحونا ويأمرونا ويخوفونا
قلبتى المواجع يا رانيا
العزيز هارملس
دائما ما يسعدنى تواجدك عندى
ودائما ما يعجبنى تعليقك
لا املك ان اعتذر عن تقليب المواجع قلا يوجد ما اواسيك به فكلنا قد سقطنا تحت رحى ظلم الوطن
دمت بكل خير
بوووست رااااائع....
وكلمات تستشعر بصدقها ..
اول مره ادخل مدونتك بس مش الاخيره
ان شااااااءالله
تحياااااتي....
Ghada & Rofayda
اهلا بيك اوبيكما فى مدونتى
انا سعيده بتعليقك وبان كلماتى عجبتك وياريت متكنش اخر زياره
منورانى
الف تحيه ليكى
مش عارف يا رانيا ..
حالة من القرف و اليأس و التوهان بتتغلغل جوانا كلنا و تخنقنا مهما انشغلنا او دارينا او حاولنا و قاومنا أو دورنا علي سكك جديدة
مش عارف ايه و ليه و مابقتش عاوز اعرف حاجة
المهم اني ما جتش من زمان .. كنت باطمن بس علي احوالك و شغلك .. اتمني تكوني تجاوزتي الآن موضوع الوالد رحمه الله .. و تواصلي عملك وحياتك بكفاءة و امل و اصرار باذن الله
اتمني تكوني بخير .. الي لقاء
يوسف
اولا اعتذر عن ردى المتاخر
وعن اخبارى فالحمد لله تمام وادى الدنيا بتاخد وتدى معانا
...
اما عن حالة القرف والياس ففعلا بقت حاله عامه سائده على الناس
متشكره لوجودك ولكلاماتك ولسؤالك عن احوالى واعتذر عن كسلى فى ردى وعن كسلى فى زيارة مدونتك بس انت عارف فى فتره بتيجى تحس فيها انك مش قادر تكتب او حتى تقرى
تحياتى لك وشكرا لوجودك
عزيزتى
انتى فيييييييييييييييين
كل دى غيبه
ما يا بنتى زى ما بتقولى حالة القرف عامة مش خاصة
ولو دورتى انتى قرفانه من ايه مش هتعرفى السبب
لان فيه مليون سبب يخلوكى قرفانه
كل سنة وانتى طيبة
وتعالى فضفضى بشوية كلام
خرجى شويه يمكن ترتاحى
شوية
تحياتى
سلام
احساس لسه حى
موجوده ياسيدى. بس على رايك كل حاجه بقت تخنق الواحد بقى مش قادر يكتب من الخنقه
عموما كل سنه وانت طيب ورمضان كريم ويارب الشهر ده يبقى زاد لينا من كل النواحى الايجابيه
تحياتى لك ومتشكره على كلماتك
أنتي فييييييين
مايكل
ازيك انا مشغوله جدا بحضر دراسات عليا
قرفانى اوى خلااااص قربت اشطبها واعاود ادراجى
متشكره جداااااااااااا على سؤالك واستنوا عوده جديده
:)
إرسال تعليق